تربية الاطفال جنسيا لاقل من سنتين
انا هادي الايام كتير مهتمه بامور التربية خصوصا انو ابني صار عمره سنة ونص
وبحاول تكون تربيته ايجابيه ونحو الصواب كتير بقرأ كتب عن التربية وبحضر محاضرات وكل سن اله اساليب وقيم خاصه بالعمر هادا
.
.
حبيت فيدكم اليوم بموضوع التربية الجنسية للاطفال الي اقل من سنتين
.
.
لخصتها من وحي قراءتي للمواضيع والمحاضرات الي حضرتها لعدت نقاط وبعيد وبكرر لسن اقل من سنتين
.
1) في وقت العلاقة الخاصة بين الزوجين (الاب والام) يجب اخراج الطفل من غرفة النوم لانو كتير من الدراسات بينت انو الطفل بقدر يلقط الاصوات ويمكن انها تشكل له شي في المستقبل. وهادا اعظم مبدأ من مبادئ التربية الجنسية لاقل من سنتين
.
2) عدم السماح لاي شخص بان يقوم بتغير ملابس اطفالنا سواء بنت او ولد يعني ما نخلي الخدامه تغيرله او اخوانك او اهلك او احد من اقاربك . يعني ما اخلي حدا يشوف عورته او يلمسها لانه هيك بشكل حمايه للطفل وفق معاير ومبادئ معينه وبعيد وبحكي لسن اقل من سنتين
.
3) عدم تعويد الطفل على التحسس على عورته كيف يعني لما نغيرله ما نقعد نخبط ع مؤخرته بايدنا من باب المزح واللعب لانو هيك بلفت للطفل شي بجسمه هو مو منتبه اله
.
4) عدم ترك الطفل لوحده مع الخادمه او السواق او العامله لانو بنسمع كتير عن تحرشات الخادمات والعمال بالاطفال
.
5) عند تغير الحفاظه للطفل ما لازم نحكيله اف ريحتك طالعه ريحتك مو حلوة لانو الطفل راح يصير يضحك وبفكرها لعبه فهيك الطفل بستنى متى يخرج حتى انت تحكيله اوف ريحتك طالعه واضحكه لانو هيك احنا علقناه في عورته وصارت عورته تركيز هلا راح تسألوني شو الصح ؟ الصح انو لما انظفه ونغيرله الحفاظه ممكن نتكلم معه ممكن نتكلم عن الفضلات الي اخرجها الجسم ماما هادي فضلات صحيه لانو اكلنا او شربنا والله طلعها برا الجسم لانو ما يخدم جسمنا فبصير الموضوع عند الطفل عادي
.
6) لما اتكلم مع الطفل عن جزء بجسمه اي جزء اتكلم معه عادي وطبيعي وما اضخم الامور لانو هيك بلفت انتباهه لهشي وبصير بدو يكتشف هلشي
.
هادي اهم نقاط ممكن نربي طفلنا الي اقل من سنتين عليها ما تفكرو انو هادا الموضوع هين بالعكس هلموضوع كتير مفيد للطفل
.
منشنو امهات حابين يستفيدو من هادا الموضوع
.
#تربية_سوبر_مرح
ليست هناك تعليقات:
إرسال تعليق